മഴക്കാലം രോഗങ്ങളുടെ കാലം കൂടിയായി മാറാതിരിക്കാന്‍ നാം ഇന്ന് കരുതിയിരിക്കണം എന്ന് ഓര്‍മ്മിപ്പിക്കാനായാണ് വലിയപറമ്പ പ്രാഥമിക ആരോഗ്യ കേന്ദ്രത്തിലെ ജൂനിയര്‍ ഹെല്‍ത്ത് ഇന്‍സ്പെക്ടര്‍ ശ്രീ.ബിജു വിദ്യാര്‍ത്ഥികള്‍ക്കായി ക്ലാസ് നയിച്ചത്. ഹെഡ്മാസ്റ്റര്‍ ശ്രീ.രവീന്ദ്രന്‍ അദ്ദേഹത്തിന് സ്വാഗതമോതി. മഴക്കാല പൂര്‍വ്വ ശുചീകരണത്തിന്റെ പ്രാധാന്യവും ഡ്രൈഡേ ആചരിക്കേണ്ടതിന്റെ ആവശ്യകതയെക്കുറിച്ചും അദ്ദേഹം സവിസ്തരം പ്രതിപാദിച്ചു. ആഹാരവസ്തുക്കളും പഴവര്‍ഗങ്ങളും ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങളും ചര്‍ച്ച ചെയ്തു. ആരോഗ്യവുമായി ബന്ധപ്പെട്ട പ്രതിജ്ഞ എല്ലാവരും ഏറ്റുചൊല്ലി. എല്ലാ കുട്ടികള്‍ക്കും ലഘുലേഖകള്‍ വിതരണം ചെയ്തു. ശ്രീ.സജിത്ത് കുമാര്‍ ചടങ്ങിന് നന്ദി അറിയിച്ചു.
No comments:
Post a Comment