ചാന്ദ്രദിനാഘോഷം

      മനുഷ്യന്റെ ഐതിഹാസിക നേട്ടങ്ങളില്‍ പ്രഥമസ്ഥാനത്ത് വിരാജിക്കുന്നത് അമ്പിളി മാാമനില്‍ പാദസ്പര്‍ശം നടത്താനായതാണ്. ശീത സമരകാലത്തെ സോവിയറ്റ് യൂണിയന്‍- അമേരിക്ക മത്സരത്തിന്റെ ഭാഗമായി മാനവരാശിക്ക് ഉണ്ടായ ശാസ്ത്ര നേട്ടങ്ങളില്‍ പ്രധാനമാണ് മനുഷ്യനെ ചന്ദ്രനിലെത്തിക്കാനുള്ള പ്രവര്‍ത്തനപദ്ധതികള്‍. ലൂണാ - അപ്പോളോ പര്യവേഷണങ്ങളില്‍ മനുഷ്യനെ ചന്ദ്രനിലേക്കെത്തിക്കാന്‍ സാധിച്ചത് അമേരിക്കയുടെ അപ്പോളോ 11 പര്യവേഷണ വാഹനത്തിനായിരുന്നു. നീല്‍ ആംസ്ട്രോഗും എഡ്വിന്‍ ആല്‍ഡ്രിനും മൈക്കല്‍ കോളിന്‍സും അങ്ങനെ ചരിത്രപുരുഷന്മാരായി. 1969 ജൂലൈ 21 ന് അമ്പിളി മാമന്റെ നെറുകയില്‍ മാനാവരാശിയുടെ ആ കുതിച്ചുചാട്ടം യാഥാര്‍ത്ഥ്യമായി. ഗ്രഹാന്തര യാത്രകളുടെ സാധ്യതകള്‍ തുറന്നിട്ടുകൊണ്ടാണ് ചാന്ദ്രയാത്ര അധ്യായം രചിച്ചത്. 2009- ല്‍ ഇന്ത്യുയും ചാന്ദ്രയാന്‍ 1 ലൂടെ നമ്മുടെ സാന്നിധ്യം ചന്ദ്രനിലും തെളിയിച്ചു.

     ചാന്ദ്രദിനം വിപുലമായ പരിപാടികളോടെ ആഘോഷിക്കാനാണ് വിദ്യാലയത്തില്‍ തീരുമാനിച്ചിട്ടുള്ളത്. ചാന്ദ്ര വിശേഷങ്ങള്‍ പങ്ക് വെക്കല്‍, എല്ലാ ക്ലാസിലും ചുമര്‍പത്രികകള്‍, എല്ലാവര്‍ക്കും പതിപ്പുകള്‍, വീഡിയോ പ്രദര്‍ശനങ്ങള്‍, ക്വിസ് മത്സരം, ചാന്ദ്രമനുഷ്യനുമായി അഭിമുഖം എന്നിവ വിവിധ ദിവസങ്ങളില്‍ നടക്കും.

        അസംബ്ലിയില്‍ ചാന്ദ്രദിനത്തെക്കുറിച്ച് മാഡം ക്യൂറി സയന്‍സ് ക്ലബ്ബ് സിക്രട്ടറി നന്ദന സംസാരിച്ചു. സജിത്ത് മാസ്റ്റര്‍ വീഡിയോ പ്രദര്‍ശനം നടത്തി കാര്യങ്ങള്‍ അവതരിപ്പിച്ചു. ചാന്ദ്രമനുഷ്യനുമായുള്ള അഭിമുഖത്തില്‍ ഷാജി മാസ്റ്റര്‍ ദ്വിഭാഷിയായി പ്രവര്‍ത്തിച്ചു. പതിപ്പുകളുടെ പ്രകാശനം നാളെ നടക്കും.